Je to jimpreza òrganizowónô w chëczë na zaczątkù rokò akademicczégo bez nowòwëbròné władze i prezesa. Mô òna na celu jintegrowac Klub, a w òsoblëwie nowi Zarząd. Chòc ju przë ti leżnoscë snuté są piérwszé planë dzejaniô, to jednakò nôwôżniszô je wespólnô zabawa.
Na leżnosc Andrzejków spòtikómë sã wiedno w chëczë. Zjéżdżają sã nié le nlós dzysdniowi Pòmòrańcowie, ale téż "stôri Pòmòrańcowie" a téż jinszi naszi znajomi i przëjacelstwò. Czasã są tuńcë kaszëbsczé przë akòrdéonie i rozmajité jinszé zabawë a wiedno spiéwë i przëjacelskô atmòsfera.
Na pôrã dniów przed Wileją Gòdów zjéżdżómë sã do chëczë, żebë sã pòłómac òpłatkã i złożëc so żëczbë. Z ti leżnotë zjéżdżają sã stôri ë aktualny Pòmòrańcowie, sympaticë, laùreacë Medalu Stolema, klericë z karna „Jutrzniô” ë wiele sproszonych gòscy. Wszëtkò zaczinô sã w kòscele we Wëgòdze Mszą Swiãtą w rodny mòwie. W sami chëczë, króm dzéleniô sã òpłôtkã, je wiedno wieczerzô i wëspólné spiéwanié kaszëbsczich kòlãdów przë akòrdéonach ë wkół strojny chòjinczi.
Nowi rok wiedno witómë razã bez czile dniów. Co rok w jinszim placu. Z ti téż przëczinë atrakcje są wiedno jinszé. Rôz je to kùlig òb noc, jinszim razã nowòroczné żëczbë i fajerwerczi nad samim brzégã mòrza. Niezmienną rzeczą je bratné towarzëstwò, dobrô mùzika i fest zabawa.
Je to kònkùrs, sczierowóny do młodzëznë z westrzédnëch
szkòłów. W etapie szkòlnym bierze ùdzél kòle 1000 lrdzy. Z tegò kòle 100 je
kwalifokòwónëch do òglowégò finału. Nen je òrganizowóny rokroczno na Gduńsczim
Ùniwersitece. Kolejné ruńdë òceniałô kòmisja, złożonô z gduńsczich profrsorów,
przedstôwiającëch trzë dzéle tematiczné kònkùru: jãzëlòwi, geograficzny i
historiczny. Nôprzód tradicëjno pisóny je test, a pòstãpno ùczniowie z
piérwszych dzësãc placów przëstãpiwają do dwadzwlowégò finału. Dobiwcowca
piérwszégò placu òtrzimiwô wstãp na geografiã na Gduńsczi Ùniwersitet bez
egzaminów. Wszëtcë finaliscë òtrzëmiwają baro bòkadny zbiór ksążkòwich nôdgrodów.
Wiãcy ò kònkùrsu w òsóbnym dzélu.
Ùroczëstosc wrãcziwaniô Medalów òdbiwa sã wiedno w
Staromiejsczim Ratuszu. Òstatno klub wrôcô do ti tradëcji. Rokroczno do nôdgrodë
ti òstôwô zgłoszonô pokaznô lëczba kandidatów. Diskùsëje są wiedno baro bùrzlëwé.
Wrãcziwónié Medalów òdbiwô sã wiedno na przełomie łżekwiata i maja.
Wiãcy ò medalach i donenczasni laureacë w òsóbnym dzélu.
Òdbiwô sã òn ju òd 2001 rokù w piérwszi pòłowie maja. Wespółòrganizatorã je Starostwò Pùcczé, bez to mô òn palc na nordze. Ùczestniczy w nim kòle 50 sztëk lëdzy, głównie z kaszrbsczich szkòłów wëżidżimnazjanych. Òdbiwają sã spotkania cekawima lëdzama - kaszrbsczima dzjarzama. Zasadniczy dzél czasu zajimają jednakò tematiczné warsztatë, chtęrné òdbiwają sã w rozmajitëch grupach: medialny, turysticzny, jãzëkòwi i historiczny, samòrządowy, mùziczny i jin., wszrtkò zanalôgô òd zajinteresowaniô ùczestników.
Dłùdżi majowi weekend je tardicëjno przeznaczony na zymkòwé pòrządczi i remońtë w chëczë. Je to dobrô leżnota do spòtkaniô, wspólny prôcë przë naji chëczë, a téż wieczornych zabawów przë ògniszczù. Króm samégò reperowaniô, stôri ju w kùńcu i flot niszczejący, chëczë, je to téż dlô nas leżnosc lepszégò pòznaniô sebie i jinszich, ùczbë wespólnégò dzejaniô a téż spòsobnosc zdobëcô cekawich i prakticznëch mésternosców.
W noc sw. Jana wëstôwiómë w chëczë stôrokaszëbsczim zwëkã przedstawienié "Scënianié kanië". Schòdzą sã téż na nie lëdzë z òkòlégò. Niejedny jesz pamiãtają jak to piérwi wrzdrzało i chcą so to przëbôczec. Jednakò dlô wiãkszoscë je to cos nowëgò. Stôrómë sã wiedno przedstawic to jak nôbarżi tradicëjno, a przë tim szpòrtowno. Pò przedstawinim zaczinają sã, tak jak zanalôgô, tuńce i spiéwë do rëna przë ògniszczu.
Òstatnô jimpreza, òrganizowónô bez stôrich gòspòdarzi i stôri Zarząd Karna. Je òna zamkniãcém letnégò sezonu wielnëch, krótszich i dłëgszich wizëtów w chëczë. Òdbiwô sã òna pòd kùńc séwnika, czëdë to kùńczi sã kalendarzowé lato i niestetë téż sztudérsczé wakacje.
Je jich baro wiele i są zależné òd aktualnëch ùdbów i chãców karnowiczów. Tuwò przedstawioné są blós baro schematiczno, bò nie spòsób jich wszëtczich òpisac a nawetka wëpisac. Nôlepiszim zdrzódłã sczzegółowëch jinfòrmacëjów są meritoriczné sprawòzdania kòléjnéch zarządów, chtërné òpisywają pòdjimiznë z danégò rokù.
Je to jinicjatiwa niecykliczna, chòc towarząca dzejani Karna ju òd wiela lat. Òdwiedzywómë rozmajité szkòłë na Kaszëbach, opòwiôdając ò sprawach kaszëbsczich i ùczebnianëch. Spòtkania te są baro rozmajité tematiczno, ale wiedno mają ten sóm cél: ùswiadomiwanié wôrtnotë swòjégò pòchòdzeniô i tradicjë zemi, na jaczi sã żëje.
Òrganizëjemë rozmajité spòtknia z lëdzama kùlturë, nôùczi, mediów, pòliticzi, gòspòdarczi i jin. Tematë, jaczi przëwòdzą taczim rozmòwóm są zalezné, òd aktualny sëtuacëji na Kaszëbach. nie felëje téż spòtaniów nastawinych blós na samòsztôłcenié. Czasã òdbiwają, sã òne téż na najich ùczebniach, gdze zaprôszómë téż jinszëch sztudérów.
Wanodżi są nôgãscy òrganizowanëma bez nas jinicjatiwama. Kòżdô je jinszô, parłączy jinszëch lëdzy, jinszé mô cele i rokroczno pòwstôwają nowé ùdbë, chtërné są zarô realizowóné. Są westrzód nich wëprawë krótszi i dalszé: òd trójgardzczëch do zagranicznëch, òd pòwôżnëch kònferencjów pò szpòrtowné spòtkania towarzesczé. Wszëtczé mają jednakò wespólné cechë: są sparłaczoné z Kaszëbama i ùbògacywają nôleżników i sympatików Karna.
